Славниот бразилски фудбалер Роналдињо ја плати кауцијата и излегува од затворот во Асунсион, Парагвај.

Роналдињо и неговиот брат беа уапсени кога со фалсификувани пасоши се обидоа да влезат во Парагвај.

Иако му се предвидуваше шестмесечна затворска казна, Роналдињо во истиот помина 32 дена. Преместен е во домашен притвор после плаќањето на кауцијата од 1,3 милиони фунти.

Домашниот притвор ќе му биде фактички хотел и тоа оној во парагвајскиот главен град на Асунсион – Хотел Палмарога. Парагвајската телевизија „ABC“ објави видео на кое се гледа судијата Густаво Амарила кој им се обрати по пат на видео и им ги соопшти правилата.

Во својата кариера 40-годишниот Роналдињо со Барса успеа двапати да ја освои шпанската „Ла Лига“ и националниот Суперкуп, а еднаш и титулата во Лигата на шампионите во сезоната 2005/06.