Момчињата од Авганистан не одат на училиште за да се солидаризираат со девојчињата

Авганистанки во Кабул / Фото: EPA-EFE/STRINGER

Голем број момчиња во Авганистан не одат на училиште солидарно со своите врсничкии, откако талибанците отворија училишта за момчиња, но не го споменуваат присуството на девојчиња во училниците.

Новото министерство за образование предводено од талибанците во петокот им нареди на службениците да го надгледуваат повторното отворање на приватните и јавните училишта и другите академски институции во земјата, почнувајќи од сабота за учениците од основните и средните училишта.

Во изјавата, сепак, не се споменуваат девојчињата.

– Сите машки ученици и машки наставници мора да бидат присутни во училиштата – се наведува понатаму.

Додека на девојчињата под 12 -годишна возраст им е дозволено да влегуваат во училници, талибанските причини за молчење за оние над оваа возрасна група се затоа што ова е време кога девојчињата започнуваат со менструација како дел од тинејџерските години, тврдат експертите.

Поради тоа, многу студенти одбија да одат на часови и одлучија да се солидаризираат со девојчињата.

– Денес не отидов на училиште за да покажам несогласување со талибанците и да протестирам против забраната девојките да одат на училиште – изјави Рохулах (18).

Тој додаде дека жените сочинуваат половина од општеството.

– Ова покажува дека Талибанците не се промениле. Нема да се појавам во училиштето додека не се отворат училиштата за девојчиња – рече тој, пренесува Индипендент.

Талибанските лидери ветија поддршка за образование и вработување на жените, но има извештаи дека жените се враќаат дома од работа.

Авганистанската наставничка Кудсија Кванбари рече дека момчињата и учениците треба да го бојкотираат училиштето.

– Да бев момче, немаше да одам на училиште додека сестра ми не може да посетува настава – напиша таа во објава на Фејсбук.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот