Според информациите од Министерството за здравство, рано утринава се почнати подготовки за транспорт за лекување во странство на момчето кое вчера беше повредено од струен удар при обид за кражба на Железничката станица во Трубарево.

„Министерството за здравство, Фондот за здравствено осигурување и сите засегнати институции се на располагање, во моментов се подготвува медицинска документација и се организира превоз момчето кое вчера се здоби со изгореници од струен удар во најбрзо време да биде пренесено на лекување во странство. Нашите лекари максимално се грижат за момчето да ја добие неопходната здравствена заштита“, велат од Министерството за Здравство.

Од таму додаваат дека со дополнителни информации ќе излезат во јавноста за краток временски период.