Мевсудин Муртиќ (24) кој во сред бел ден скокнал во смрт од 17 спрат во населбата Блатуша во Зеница, на очајничкиот чин се одлучил заради лошата финансиска ситуација, тврдат неговите комшии.

Најтешко му паднала тужбата која стигнала заради долгот кој го оставила неговата мајка, поточно кредитот, кој тој немал пари од каде да го врати.

-Му стигна тужба од банката да врати долг. Наводно добил пресуда од судот, требало да го изгуби станот. Полицијата во станот нашла лист на кој успеал да напише три реченици жалба. Веројатно тоа го дотепало, тоа што го губи станот, не можел да издржи и скокнал низ прозорец, објаснил комшијата.

Муртиќ живеел во стан со мајка му, која по тешка болест починала пред две години. Татко му го оставил кога дознал дека мајка му е трудна.