Моќна игра на Вестбрук во дербито со Милвоки и Јанис (ВИДЕО)

epa08581221 Milwaukee Bucks center Brook Lopez (L) in action against Houston Rockets guard Russell Westbrook (R) during the first half of the NBA basketball game between the Milwaukee Bucks and the Houston Rockets at the ESPN Wide World of Sports Complex in Kissimmee, Florida, USA, 02 August 2020. The NBA season has restarted at the Walt Disney World sports complex outside Orlando, Florida. EPA-EFE/ERIK S. LESSER SHUTTERSTOCK OUT

Хјустон рокетс во дербито на вечерта го совлада најдобриот тим во лигата Милвоки бакс со 120:116, со што се освети за поразот од сезоната. Милвоки бакс пропушти шанса со победа да го обезбеди првото место во Источната конференција.

Во тоа ги спречи Расел Вестбрук кој беше најзаслужен за пресвртот во последната четвртина кога „ракетите“ ја анулираа негативата од осум поени.
Вестбрук натпреварот го заврши со 31 поен, 8 асистенции и 6 скокови, Џејмс Харден имаше 24 поени, додека кај Милвоки импресивен настап имаше Јанис Адетокумпо со 36 поени и 18 скокови.

Сан Антонио спарс ги остави живи надежите за пласман во плејофот откако со 108:106 го совлада директниот конкурент Мемфис гризлис.
Човек на одлука беше Демар Дерозан кој постигна 14 поени кое се одлушуваше победникот, а Мареј имаше 21 поен и 10 скокови.
Руди Геј на кого не му одеше шутот, кога беше најпотребно во последните моменти од натпреварот постигна тројка која му ја донесе победата на Сан Антонио.

Додека Сан Антонио ги задржа шансите за плејоф, тие се уништени за
Портланд и Сакраменто кои загубија од Бостон односно Орландо.

Лука Дончиќ постигна 40 поени но не успеа да му донесе победа на Далас маверикс во дуелот со Феникс санс. Заслугите за победата одат на сметка на Девин Букер кој постигна 30 поени.

Резултати:
Бруклин – Вашингтон 118:110, Бостон – Портланд 128:124, Мемфис – Сан Антонио 106:108, Орландо – Сакраменто 132:116, Милвоки – Хјустон 116:120, Феникс – Далас 117:115.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот