Македонскиот таеквондист во категоријата над 80 кг. го освои сребрениот медал на Летните олимписки игри во Токио.

Како што е веќе најавено од нашата таеквондо федерација со почеток од 19.30 часот е организиран пречек на македонскиот спортски херој на скопскиот плоштад веднаш до триумфалната порта Македонија.

Во текот на вчерашниот ден Владата парично ги награди Георгиевски и неговите тренери за историскиот успех.

Исто така и Македонскиот олимписки комитет финансиски ќе го награди таеквондистот:

– Олимпискиот комитет на Северна Македонија кој и досега севкупно ги финансираше сите подготвителни активности на Таеквондо репрезентативците на најпрофесионален начин, има задоволство дополнително да даде и финансиска награда за најзаслужниот за овој извонреден успех кој е круна на повеќегодишната систематска работа на стручниот штаб сесрдно подржан од Олимпискиот комитет.

Финансиската еднократна награда ќе изнесува 10.000 евра за Дејан Георгиевски. Дополнително Олимпискиот комитет ќе обезбеди максимална стипендија за Дејан за следните Олимписки игри во Париз 2024 во износ од 1.000 долари месечно – информираат од МОК.