МНР на БиХ ги предупреди граѓаните за опасност од апсења во Србија

Министерството за надворешни работи на Босна и Херцеговина им препорача на сите граѓани во земјата кои на кој било начин биле вклучени во одбраната на БиХ во периодот од 1992 до крајот на 1995 година, да не патуваат во Србија до понатамошно известување поради опасност од апсење.

„Предупредувањето е издадено поради ризик од апсење и процесуирање во Република Србија под обвинение за воени злосторства и врз основа на претходни случаи на апсење на државјани на БиХ против кои не се водат постапки во Босна и Херцеговина или обвинети од судските институции на земјата со воени злосторства”, наведе МНР на БиХ.

Поранешниот висок функционер на Федералната полициска управа, Един Врањ, беше уапсен на граничниот премин при влез во Србија.

Тој е осомничен за злосторства против воени затвореници во областа Горажде од јануари 1993 година до октомври 1994 година. Судот во Белград на Едина Врањ му одреди мерка притвор во траење од еден месец.

Извор: МИА