Многу помалку заразени во БиХ викендов, но и помалку тестирања, 11 починати
Од појавата на короанвирусот бројот на заразени надмина 18.000, додека бројот на починати е над 537 лица.
Бројот на новозаразени од коронавирусот во понеделникот во БиХ повторно падна – забележани се 127 случаи, но тоа е резултат на фактот дека за време на викендот имало далеку помал број на тестови, додека бројот на смртни случаи од тие последици достигна 11.
Уште во петокот имаше 364 лица заразени од вирусот САРС-КоВ-2, за во текот на викендот тој број значително да опадне. Во понеделникот 90 случаи на коронавирус се забележани во Република Српска, 35 во Федерација БиХ, и уште два во областа Брчко.
При тоа во Федерацијата БиХ се тестирани 779 лица, а во Република Српска заразата е потврдена кај 90 лица од 718 лабораториски примероци.
Нови случаи во Федерацијата БиХ се забележани во Сараевската, Херцеговачко – неретванската, Западно – херцеговачката, Унско – санската, Зеничко – добојската и Тузланската жупанија.
Во последните 24 часа во тој ентитет од последиците на заразата од коронавирус починаа 9 лица, а во Република Српска се забележани два фатални исходи.
Од појавата на короанвирусот бројот на заразени надмина 18.000, додека бројот на починати е над 537 лица.