ММФ вели дека Хрватска заради коронавирусот ќе потоне многу повеќе од Србија
Меѓународниот монетарен фонд објави проценки за глобалниот БДП по земја, и повеќе или помалку целиот свет е во црвен минус. Во просек, глобалниот БДП ќе падне за 3 отсто, а само неколку земји ќе забележат раст, како што се Индија и Кина, но нивниот раст нема да биде ист како порано, туку далеку понизок- меѓу 1 и 2 отсто.
Европа паѓа двојно повеќе од светскиот просек
Проекциите за Европа се полоши од светскиот просек. БДП во европските земји, внатре и надвор од Европската унија, ќе падне дури 6,7 отсто. Но, дури и овие катастрофални бројки постојат полоши, а тоа се оние кои се однесуваат за Хрватска. Според проценките на ММФ, Бруто домашниот производ на Хрватска ќе падне за дури 9 отсто, додека само полошо мина Италија со пад од 9,1 отсто и Грција со пад од цели 10 проценти.
Економски аналитичар: Падот од 9 проценти дури е и добар
-Тоа е дури најдоброто сценарио. Може да биде многу, многу полошо, вели економскиот аналитичар Дамир Новотни за хрватскиот портал „Индекс“.
Хрватската економија е многу зависна од туризмот и сродните индустрии, па ударот ќе биде исклучителен. Земјите кои помалку од Хрватска се зависни од движењето на луѓето, а повеќе од движење и производство на стоки, ќе доживеат помал пад, иако никој во Европа нема да помине недопрен.
Хрватска е чувствителна поради туризмот
-Вчера слушав еден водечки германски епидемиолог, кој препорача неговите сограѓани да не патуваат ова лето. Можеби, на пример, Словенците кои се поблиски до нас ќе бидат похрабри. Туризмот и сродните индустрии сочинуваат една четвртина од економската активност на Хрватска, а ќе биде уште подобро ако оствариме и десет отсто од она што го имавме минатата година, рече Новотни.
Еднаков пад како Хрватска ќе има и Црна Гора, која исто како и Хрватска, зависи од туризмот. Малку помал удар ќе почувствува Словенија со пад од 8 отсто.
Понизок прилив на девизи од иселениците
За Хрватите особено е загрижувачки падот во Австрија и Германија, и тоа од две причини. Двете земји се предвидува да бидат во минус од дури 7 отсто од БДП. Првата причина за загриженост е тоа што освен пандемијата, Германците и Австријците ќе патуваат помалку поради недостаток на пари, што следствено ќе ја загрози и Хрватска.
Втората причината е што Хрватите ќе ги загубат своите работни места, во тие земји каде што традиционално одат на работа и можеби ќе започнат да се враќаат во Хрватска. Поради тоа ќе се намали и износот на девизите во Хрватска, од кои зависат голем број граѓани.
Новотни: Јас навивам за поголем пад
-Можеби звучи парадоксално, но јас навивам за уште поголем пад. После големите падови, следува релативно брзо и оштро закрепнување. Долгорочните и постепени падови се најлоши за економијата, вели Новотни, кој не смета дека падот од 9 проценти ќе биде катастрофа за Хрватска.
-Тоа би значело дека ќе доживееме криза како пред десет години, но овој пат со посилна економија. Од пад од 9 отсто можеме да закрепнеме за една или две години, доколку владата не ги направи истите грешки што беа направени за време на последната криза и уште повеќе да ги продлабочи. има повеќе тие не треба да соберат даноци како што направија за минатите кризи. Тие не смеат да ги зголемуваат даноците, како што е направено за минатата криза. Се надевам дека научија нешто-вели Новотни, кој предвидува дека целокупната економска активност може да падне за дури 15 проценти оваа година.
Штета што Хрватска не е во Еврозоната
-Доколку веќе бевме во еврозоната, ќе можевме да сметаме на пари од фондови наменети за екстремни шокови, а вака многу помалку пари ќе стигнат до нас. За среќа, HNB добро одговори, иако не конзервативно, со зголемување на ликвидноста на банките, а има и многу девизни резерви. Со тоа може да ги намали резервите на банките од 17 на 10 проценти, што е вообичаен просек, и тоа би можело да има огромно влијание врз економијата, заклучи Новотни.