Младите знаат како – „Три дена култура од дома“, проект на „Арт Хаус Карев“

Училишната организација „Арт Хаус Карев“ од СУГС „Никола Карев“ годинава својот средношколски фестивал „Три дена култура“ поради пандемијата го префрли целосно онлајн, со нов концепт.

Фестивалот вклучи средношколски филмски мини-фестивал, театарски претстави, настапи на средношколски солисти и бендови и дигитална изложба.

Како што истакна Ева Стојчевска за „Утрински брифинг“ на „Слободна ТВ“, поради настанатата ситуација биле спречени овој настан да го изведат на начинот на кој што сакале, но тоа не значи дека се предаваат лесно!

Средношколците од 21 до 23 април во третото фестивалско издание објавуваа изложби, филмови, интервјуа и музички настапи, а содржините ги пренесуваа преку социјалните медиуми.

-Преку креативни решенија успеавме да ги вклучат сите заинтересирани за „Три дена култура“. Нашата дружба се сведува на видео повици, разменување на идеи, филмови, музика. Се уште очекуваме дали ќе се вратиме во училиште до крајот на годината, па потоа ќе знаеме што понатака, вели Стојчевска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот