Ракометната репрезентација на Македонија до 18 години ја оствари втората победа за помалку од часа на ЕХФ шампионатот што се одржува во Летонија. Втора жртва на македонските кадети беше селекцијата на Косово која е совладана со убедливи 39:16.

Македонските ракометари лошо го започнаа натпреварот, им дозволија на противничките играчи да поведат со 2:7 и 4:9, по што следеше серија од 5:0 на избраниците на селекторот Раде Стојановиќ и потоа ја презедоа контролата на резултатот.

Доминантната игра и во одбрана и во напад во првото полувреме ја крунисаа со серија 12:2 и на одмор заминаа со убедливи 21:11.

Вториот дел мина во рутинска игра на македонските надежи кои успеаја да ја зголемат предноста и на крајот да слават со убедливи 23 гола разлика, 39:16.

Најдобар ракометар во нашиот состав беше Петковски со девет гола, додека по пет постигнаа Узунчев и Димковски.