Студентите и младите македонски претприемачи од Пелагонискиот регион од денеска ќе имаат место каде ќе ги развиваат своите идеи и ќе создаваат услови за развој на локалната економија, во новиот Центар за претприемништво и креативност што ќе се отвори на Економскиот факултет во Прилеп.

На отворањето ќе говорат министерот за локална самоуправа Ристо Пенов, проф. д-р Игор Неделковски, ректор на Универзитетот Св. Климент Охридски – Битола, проф. д-р Драгица Оџаклиеска, деканка на Економскиот факултет – Прилеп и Виктор Митевски, претседател на Здружението за истражување и анализи (ЗМАИ).

Центарот е формиран во рамки на проектот BeCircular – Подобрување на вработеноста преку претприемништво и циркуларна економија, а е финансиран од програмата за прекугранична соработка (IPA CBC) на Европската Унија.