Младите македонски борачи со 12 медали на Балканското првенство во Букурешт

Агенцијата за млади и спорт организираше прием за Боречката федерација/фото: facebook.com/AMSMacedonia

Агенцијата за млади и спорт (АМС) организираше прием за Боречката федерација која учествуваше на Балканското првенство за возрасни категории У15 и У17, кое се одржа во Букурешт.

Нашата репрезентација настапи со 33 учесници и освоени беа вкупно 12 медали. Со златен медал се закитија Мердијан Џелили, Омер Мемеди и Шаќир Беслими.

Потоа, сребро имаат Марио Ананиев, Стојанче Стојков, Меди Беслими и Ангела Трајковска. А „бронзени“ се Трим Исмаили, Стефан Стојков, Харбин Ахмети, Елена Дејкоска и Садије Дура.

АМС им упати честитки до сите натпреварувачи и нивните тренери Горан Стојанов, Горан Атанасов, Нехат Џафери и Илчо Маркоски.

Екипно Македонија во романскиот главен град се пласираше на третото место.

Видео на денот