Машката кадетска репрезентација на Македонија е поразена од Турција во осминафиналето на Европското првенство А-дивизија што се одржува во Скопје со 74:82 и до крајот ќе се борат за опстанок во елитата.

Нашите кошаркари одлично го започнаа натпреварот со 7:0 по три минути игра, но потоа следеше пад во играта и до крајот на четвртината дадоа само пет поени, додека Турција даде 19 поени и по првата четвртина направи плус седум (12:19). Во втората четвртина турските кошаркари за прв пат дојдоа до двоцифрена предност и на одмор заминаа со сигурни 29:43.

Во второто полувреме, избраниците на селекторот Андреј Апостолски Лечиќ одиграа подобро, успеаја да дојдат до едноцифрена негатива, но немаа сили за целосен пресврт.

Никола Јаничиќ со 15 поени, Марко Луканоски со 13 и дури 20 скока беа најдобри во нашата селекција, додека кај Турција се истакна Дениз Гокпинар со 22 поени.

Следен противник на Македонија во битката за опстанок во А-дивизијата ќе биде Данска која убедливо загуби од Литванија.