Млад роднина ја убил 83-годишната жена во Струмица – ѝ барал пари, не му дала

Струмичката полиција во содејство и координација со Одделот за криминалистичка полиција, сектор за општ и насилен криминал, го уапсила П.И.(25) од Струмица, роднина на 83-годишната старица која беше пронајдена мртва во нејзиниот дом, со траги на насилство врз телото.

„Тој се сомничи дека на 20.01.2023, откако побарал и не добил пари од М.Б.(83) од Струмица, со која бил во роднинска врска, ја нападнал, а од здобиените повреди таа починала“, велат од полицијата.

„Потоа П.И. одзел пари и предмети од домот на М.Б., од кои дел биле пронајдени при претресот извршен по наредба на ОЈО Струмица. П.И. е приведен во полициска станица и при службен разговор го признал делото“, додаваат од МВР.

Струмичката полиција поднела кривична пријава против осомничениот убиец, а тој е изведен пред судија од Основниот суд Струмица и побарана е мерка притвор.

Старицата од Струмица била задавена или задушена, се трага по убиецот

Видео на денот