Млад фудбалер на Лацио, Даниел Герини, почина во средата вечерта во страшна сообраќајна несреќа, пренесуваат италијанските медиуми.

Неодамна наполни 19 години, важеше за еден од најголемите таленти во италијанскиот фудбал, бил во автомобилот со уште две лица кои претрпеле сериозни повреди и се наоѓаат во критична состојба.

Герини бил во автомобил „смарт“ со уште две лица, дошло до судир со класа „Мерцедес“ А управувано од 68-годишен маж. Се шпекулира дека причина за несреќата е неприлагодена брзина.

Герини е роден во Рим и тренираше во Лацио до својата 16 година. Оваа зима се врати во главниот град, откако беше дел од младинската школа во Торино.

Претходно тренираше и во Фиорентина и во СПАЛ и беше член на италијанската репрезентација до 15 и 16 години.