Вчера во собранието техничкиот министер Оливер Спасовски поднесе барање за разрешување на техничката министерка за труд и социјална политика Рашела Мизрахи. Одлуката на Спасовски е поради тоа што таа неколку пати одбиваше да ја замени старата табла во министерството, на која го пишува старото устварно име на Македонија.

Техничката министерка Мизрахи, од своја страна, вчера за медиумите истакна дека не очекува да биде разрешена, оти верува дека не е виновна за ништо.

– Не очекувам да бидам разрешена, не направив ништо и не сум виновна за ништо. Апсолутно ќе ја почитувам одлуката на пратениците каква и да е, бидејќи тие ме назначиле, тие можат и да ме разрешат. Министерството и пред мене било предупредено дека не била сменета таблата, но и во Буџетот за 2020 година не е предвидена таква набавка. Јас не сум одговорна за неспроведување на законот на мојата претходничка – изјави Мизрахи за „Телма“.

За разрешувањето на Мизрахи се потребни гласовите на 61 пратеник.