15 C
Скопје

Мизо: Глобалните снабдувачки ланци на електроника ќе го диктираат производството

Заздравувањето на германската економија е значајно за македонските производители на делови за автоиндустријата, оценува Виктор Мизо, директор на „Костал Македонија“ и претседател на Асоцијацијата на странските компании со технолошки напредно производство при СКМ. Тој сепак укажува дека во моментот се јавува проблем кај глобалните снабдувачки синџири кои не се во можност да одговорат во целост на испораката на микропроцесорите кои се вградуваат во автомобилите.

-Лани сите производители на автомобили ги откажаа нарачките на овие електронски компоненти, а фабриките во Азија се соочија со зголемена побарувачка од производителите на телефони, лаптопи, видео игри и конзоли, кои масовно се продаваа во пандемијата. Не е едноставно, сега да се обноват и да се зголемат нарачките, па поради ова, фабриките на Форд, БМВ, Фолксфаген и други, ќе паузираат. Според проценките заради овој недостиг, годинава на светско ниво, ќе се произведат 3,4 милиони автомобили помалку, а од нив 1,1 милиони во рамки на ЕУ, за кои работиме и ние – објаснува Мизо за „Слободен печат“.  

Инаку, лани во март продажбите на автомобили во различни земји во Европа паднаа помеѓу 40-85 проценти, додека во САД, за околу 30 отсто. 

-Во Македонија работат компании, кои се традиционални добавувачи на големите автомобилски брендови, пред сѐ за европскиот пазар. А, кризата и секој нареден застој не принудува, сериозно да пристапиме кон ревизија на долгорочните планови за производство, инвестиции и вработувања – објаснува Мизо.

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар