Митрополитот Амфилохије тешко дише, но не е приклучен на респиратор
Митрополитот црногорско-приморски Амфилохије кој од 6 октомври се лечи од коронавирусот во Клиничкиот центар во Подгорица, од утринава тешко дише, но не е приклучен на респиратор, соопштија од Митрополијата.
Наведено е дека утринава Амфилохије дишел отежнато, со болки во градниот кош, па веднаш биле направени сите анализи.
„Снимката покажа дека причината за отежнатото дишење и болките е појавата на воздух во градите, што често се јавува во ситуации каде пациентот има чувствителни бели дробови заради долгото воспаление и кои се почесто на кислородна терапија, а речиси е неизбежен кога се работи за постари пациенти“, се наведува во соопштението.
Скенирањето на белите дробови и артерии покажало дека тој нема тромбоза, а снимката од срцето исто така е добра, пренесува Митрополијата.
Извор: Бета.рс