Споменот на свети Димитрија во северниот дел на Косовска Митровица беше одбележан во храмот посветен на овој светител, а света литургија служеше митрополитот Теодосиј од Рашко-призренската епархијво присуство на верници градот и околните места.

Литијата беше околу црквата, а последниве две години таа не поминува низ улиците на Митровица, и во оваа прилика митрополитот Теодосије посочува дека српскиот народ ја нема слободата што треба да ја има и дека Митровица не е слободен град, објави РТС.

„Порано овој град беше подобар за сите нас, правевме поворки низ улиците на овој град. Еве, повеќе од две години овој град не е слободен за нас христијаните. Се што се случи во меѓувреме зборува за тоа дека овој град е окупиран и дека овде ја немаме слободата што треба да ја имаме. Оние кои се малцинство во овој град, често ги злоупотребуваат оние кои го сочинуваат мнозинството во овој град и затоа ни треба Божја мудрост, трпение и вера во Христа, за да помине оваа бура во која живееме“, рече митрополитот г. Теодосије.

Тој изјави дека не е безбедно да се оди во поворки низ улиците на градот, но дека тоа треба да ги зајакне верниците во верата и да чекаат Божја помош и подобро време, со надеж дека тоа ќе биде наскоро.