Митревски најдобар голман во СЕХА, Дибиров крило – Слободен печат
РакометСпорт

Митревски најдобар голман во СЕХА, Дибиров крило

Дури тројца ракометари на македонските екипи се најдоа во тимот на месецот на СЕХА-лигата.

Голманот на македонската репрезентација и на Еурофарм Работник, Никола Митрески е во идеалниот тим на месецот во СЕХА-лигата. Митревски брилјираше на голот на Еурофарм во двете победи над Спартак Москва и над Металопластика.

Место во идеалниот тим најде и неговиот клупски колега, Ловро Јотиќ кој е најдобар лев бек во изминатиот месец, додека ракометарот на Вардар, Тимур Дибиров е најдобро лево крило.


Покрај тројката од македонските екипи, во идеалниот тим на месецот се најдоа уште и Јовица Николиќ (Војводина), Дарко Ѓукиќ (Мешков Брест), Расмус Лауге (Веспрем) и Максим Бабичев (Мотор Запорожје).

За најдобар тренер во СЕХА-лигата за месец септември е избран кормиларот на Веспрем, Давид Дејвис.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close