Голманот на македонската ракометна репрезентација, Никола Митревски е најзаслужен за победата на неговиот Порто во четвртото коло од Лигата на шампионите. Португалскиот шампион со 25:19 го совлада Пик Сегед, а Митревски имаше дури 15 одбрани.

Благодарение на одбраните на Митревски, Порто уште во воведните минути направи предност од пет гола (7:2) и предноста рутински ја оджуваше до крајот на натпреварот.

Покрај македонскиот репрезентативец, добра партија прикажа и Мартин Соареш кој постигна пет гола, додека поранешниот ракометар на Бардар, Жоан Кањељас беше најпрецизен кај унгарскиот тим со седум гола.

Во последниот натпревар ПСЖ оствари рутинска победа од 35:29 против екипата на Елверум. Микел Хансен со осум гола беше најпрецизен кај францускиот тим за кого ова беше прва победа во ЛШ откако во претходните два натпревари загуби од Флензбург и од Мешков Брест.