Голманот на македонската ракометна репрезентација, Никола Митревски продолжи со одлични настапи за екипата на Порто и вечерва беше еден од најзаслужните за победата на неговиот тим од 33:30 над Спортинг Лисабон со кој речиси сигурно дека ќе ја освои титулата.
Спортинг беше подобар тим во првото полувреме и на одмор замина од три гола предност (14:17),  потоа во второто полувреме предноста се зголеми и на пет гола (16:21), но потоа на сцена стапи Митревски.
Голманот на македонската репрезентација имаше неколку одбрани кои неговите соиграчи успеаја да ги искористат и да направат пресврт, а со тоа и да дојдат до голема победа која речиси сигурно им ја носи и титулата.
Порто по 26 кола има максимални 26 победи, додека Спортинг е второпласиран со само два порази кои ги доживеа токму од лидерот на табелата.