Митрашиновиќ: Презадоволна сум од триумфот, се надевам на двојна круна
Кошаркарките на Баскет Кам успеаја за прв пат да триумфираат во Купот на Македонија, а тоа го сторија на убедлив начин. Тимот од Македонска Каменица со 81:64 го совлада Бадел 1862, иако разликата можеше да биде уште поголема доколку не беше опуштањето во последната четвтина.
Предводник на Баскет Кам во триумфот во Купот кој од годинава го носи името на легендатаБлагоја Георгиевски – Буштур, беше македонската репрезентативка Анжелика Митрашиновиќ која забележа 22 поени и 12 скокови.
– Презадоволна сум од исходот во завршницата од Купот, ја очекувавме оваа победа. Сакам да се заблагодарам на КФСМ што воопшто го организираше овој турнир, со оглед на пандемијата со корона вирусот, но и да им честитам на моите соиграчи за добрата игра. Се надевам на уште повозбудливо финале во плеј-офот и на уште еден триумф. Оваа сезона многу се засили македонската кошарка, пред се со странски играчи и тоа е добро за сите. Мене ми заврши со сезоната со Будуќност, па дојдов тука да му помогнам на Баскет Кам во остварувањето на своите амбиции. Се надевам на двојна титула – изјави Митрашиновиќ.
Фото: КФСМ