Митков: Парите за ВМРО-ДПМНЕ му ги давав на поштарот Марјан

Повеќе пати имам давано донации за партијата ВМРО-ДПМНЕ. Но, никогаш јас не сум уплатил 60.000 денари со уплатница преку банка. Во СЈО дознав дека постои таква уплатница, изјави кочанчанецот Ѕвонко Митков.

– Парите коо јас сум ги уплаќал сум му ги давал на поштарот Марјан. Тоа лице е претставник на Општинскиот комитет на ВМРО-ДПМНЕ од Кочани – рече Митков, кој додаде дека за уплатите добивал документ познат како каса-уплати.

– Јас за партијата имам донирано помеѓу 300.000 до 400.000 денари – рече сведокот Митков.

Цариникот Горан Крстевски рече дека тој не може да се присети дали во 2011 година уплатил 60.000 денари, туку тој директно со каса-прими плаќал донации и чланарина.

Прочитајте и...  Се заоструваат односите: Ергодан го навреди Макрон, тој ќе го повлекува францускиот амбасадор од Турција

– Прв пат дека постои уплатница, дека јас сум уплатил преку уплатница 60.000 денари, дознав кога бев повикан во СЈО – рече Крстевски.

Предметот се наоѓа во доказна постапка и го води судијата Осман Шабани, а застапник на обвинението е Лиле Стефанова. Освен поранешниот премиер Никола Груевски кој е во бегство, во „Титаник“ обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Кирил Тодоровски и други. Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

Поврзани вести

Нови мерки за заштита од ковид-19 во Хрватска

Илинка Иљоска

Почна дигиталниот конгрес на СДСМ

Илинка Иљоска

Тирана домаќин на министерски состанок за интеграција на Ромите

Илинка Иљоска

Сепак, Амди Бајрам нема да биде погребан во Алеата на Великаните

Илинка Иљоска

Сите засегнати страни да го поддржат пописот во 2021, порачува Делегацијата на ЕУ во земјава (ВИДЕО)

Лука Андреев

Џафери: Потребни се алтернативни решенија за работата на Собранието во алтернативни услови

Илинка Иљоска

Остави Коментар