МИСТЕРИОЗНА СМРТ НА НОВИНАРКА ОД БИ-БИ-СИ: Никој не знае што и се случило, семејството во шок (ФОТО+ВИДЕО)
Младата, популарна водителка на Би-Би-Си, Хана Јусуф, почина ненадејно на 27-годишна возраст.
„Хана беше посветен професионалец и мост помеѓу медиумите и заедницата и посветено помагаше да се разбијат границите околу тоа чиј глас се слуша. Многумина Хана ја познаваа поради нејзиниот неверојатен допринос во новинарството и нејзината работа во Би-Би-Си. Додека жалиме за нејзината загуба, се надеваме дека она што Хана го остави зад себе ќе послужи како инспирација и светло за нејзините колеги и за заедницата“, пишува во соопштението од семејството.
Хана, како што соопштија нејзините најблиски, починала изненадно и неочекувано.
https://www.youtube.com/watch?v=IgWXODbrqy8
Колегите и уредниците велат дека оваа млада новинарка сите ја обожувале. Таа ги истражувала условите за работа во една популарна кафетерија, по што компанијата направила внатрешна ревизија.
Во емисијата „Добро утро, Британија“ гостувала во 2017 година со хиџаб на главата во желба да истакне дека забраната за верски симболи на работа би ги погодила муслиманските жени.
Хана била родена во Сомалија, но во детството се преселила во Холандија, а потоа во Велика Британија. Говорела 6 јазици и била позната по исклучителната интелигенција.
Причините за нејзината смрт, не се наведени.
