Мистерија во Бутел: Силна миризба на плин се шири во куќи без довод на гас

фото: ТВ Сител/принтскрин

Интензивна миризба на гас веќе три дена се шири во домот на семејство од скопската населба Бутел, а изворот на миризбата е непознат, затоа што куќата воопшто нема довод на гас, објави Сител.

Освен што е неподносливо да се живее во такви услови, Елена Михајловска вели дека стравува и за здравјето и безбедноста за себе и за нејзината ќерка.

Миризбата се чувствува во неколку соседни куќи и се шири преку кујните и тоалетите, а за да го спречат нејзиното ширење, граѓаните цевките ги покриваат со мокри крпи, а чешмите постојано течат. Тие побарале помош од надлежните.

Иако екипи од сите служби извршиле проверки, останува нејасно зошто и од каде доаѓа мирисот на плин, но и дали и колку е опасно за здравјето на граѓаните.

Од Дирекцијата за заштита и спасување велат дека во два наврати извршиле контрола кај соседната бензинска пумпа и резервоарите за плин, но утврдиле дека нема никакво истекување ниту таму, ниту од шахтите во околината.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот