МИСТЕРИЈА ДОЛГА 42 ГОДИНИ: Исчезнала за Ноќта на вештерките, ја пронашле мртва во фрижидер

Родителите на малечката Нима Луиз Картер од Оклахома на кобниот 31 октомври 1977 година кога се празнува Ноќта на вештерките, како секоја претходна вечер, ја ставиле својата 19-месечна ќерка во креветчето за деца. Утрото, нејзината мајка Роуз затекнала празен кревет, а девојчето исчезнало од заклучената куќа, пренесе српски „Телеграф“.

Иако вратите на куќата биле заклучени како и секогаш, од Нима немало никаков траг. Еден месец подоцна телото на девојчето е пронајдено во ладилник на напуштена куќа. Починала од задушување.

Роуз и нејзиниот сопруг Џорџ поминале на полиграф, што потврдило дека не биле вмешани во нејзиното киднапирање и смрт. Меѓутоа, таа вечер во нивниот дом немало други луѓе.

Пред мистериозното исчезнување на 19-месечното девојче, во градот се случиле уште некои чудни настани. Два месеци пред исчезнувањето на Нима, семејното куче во домот на Картер било отруено. По неколку дена, кога се вратиле дома, забележале дека некој влегол во нивниот дом.

Прочитајте и...  Кабинет на Вучиќ: Одложена е посетата на Лавров, за новиот датум ќе бидете известени

Две години претходно, близнаците Мери Елизабет и Аугустина ги киднапирала нивната дадилка која ја обожувале, Џеки Рибидау. Тие се однесени во напуштена куќа и заклучени во стар фрижидер. Два дена подоцна, Мери се задушила, но нејзината сестра Аугустина продолжила да плаче и да бара помош. Тоа го слушнале деца кои си играле во близина, па девојчето било пронајдено и спасено.

Аугустина на сите им рекла дека ги киднапирала нивната дадилка, но дадилката Џеки дури по три години е осудена.

Според „Телеграф“, особено вознемирувачки е фактот што Џеки исто така ја чувала и малата Нима. Вечерта кога таа исчезнала, Џеки Рибидау не била во контакт со 19-месечното девојче, но родителите слушнале како таа плаче во својот кревет.

Прочитајте и...  Ковид во Европа: Лом во Ломбардија, Британија со најмногу починати, Грција со заразени

Меѓутоа, како што рекле, тие не ја провериле својата ќерка и ја оставиле да плаче, верувајќи дека тоа е еден од начините бебето само да заспие.

Иако Нима била вознемирена кога ја ставиле во креветчето, родителите во текот на вечерта ѝ дозволиле да се мачи, а таа одлука најверојатно ќе ги прогонува засекогаш.

Кога Џеки Рибидау конечно е уапсена и осудена за смртта на Мери, одбивала да збори за смртта на девојчето Нима. Дадилката во 1979 година е осудена на доживотен затвор, но Џорџ Картер никогаш не верувал дека таа е виновна за смртта на неговата ќерка.

Во интервју кое го дал 30 години по смртта на неговата ќерка, Џорџ рече дека Џеки не би можела тоа да го направи.

Прочитајте и...  Митрополитот Амфилохије закрепнува од коронавирусот

– Секогаш кога доаѓаше кај нас, Нима трчаше кон неа и многу ѝ се радуваше. Пред неколку години прочитав интервју кое го дала Џеки во кое призна дека во тоа време била под дејство на дрога. Но, што ако за убиството на Нима е одговорен некој близок со нашето семејство? Како и да е, никогаш не можам да бида 100 отсто сигурен дека тоа го направи Џеки – рече таткото.

Семејството никогаш нема да ја дознае вистината бидејќи дадилката Џеки починала во 2005 година од цироза на црн дроб додека ја издржувала затворската казна.

Поврзани вести

Филипче: Нема место за паника, со дополнителниот капацитет за 400 тестирања ќе се намалат чекањата

Слободен печат

Бројот на потврдени случаи на коронавирусот во светот е близу 45 милиони

Илинка Иљоска

Над 500 смртни случаи во Франција, регистрирани 33.417 нови случаи на заразени со Ковид-19

Илинка Иљоска

УНЕСКО: Универзален пристап кон науката е потребен повеќе од кога било поради коронавирусот

Илинка Иљоска

Заев: Законот за спречување и заштита од дискриминација гарантира еднаквост за сите

Слободен печат

Портпаролката на СДСМ, Кузеска е позитивна на ковид-19

Слободен печат

Остави Коментар