Русија е подготвена за самостојно финансирање на националната мисија до Венера со рок за лансирање во 2030 година, изјави Анатолиј Петрукович, директор на Институтот за вселенски истражувања на Руската академија на науките.

– Ако нема преголемо трошење, тогаш до 2030 година ќе можеме да го реализираме ова, рече тој.

Според Петрукович, лансирањето на лунарните мисии „Луна-26“ и „Луна-27“ во 2024 година и во 2025 година, овозможува да се финансира следниот проект. Тој истакна дека во моментот се разгледува можноста за започнување на мисија во Венера во 2029 година, пренесува БГНЕС.

Претходно беше објавено дека „Роскосмос“ одлучи да ја спроведе мисијата „Венус-Д“ за проучување на Венера како национална, без широко учество на меѓународни учесници. Претходно, САД беа рамноправен партнер во проектот.

Вчера, пак, научници од Универзитетот Кардиф (Велика Британија) и Технолошкиот институт во Масачусетс (САД) објавија дека пронашле фосфин во атмосферата на Венера, што најверојатно е од биолошко потекло. Се произведува од микроорганизми кои не користат кислород за дишење.