Миркуловски: Сигурно ќе бевме подобри доколку ни беа потребни бодови
Репрезентацијата на Македонија триумфално го заврши одличниот квалификациски циклус за пласман на следното Европско првенство, откако во последниот натпревар од својата група ја совлада Швајцарија во Скопје со 29:28 (16:16).
Селекцијата на Кирил Лазаров ги заврши квалификациите на второто место, со ист број бодови како и Данска, но со полош меѓусебен скор.
Како што најави Ракометната федерација на Македонија, за освоено второ место во квалификациската група со освоени 10 бода репрезентацијата ќе добие парична награда во висина од 30.000 илјади евра.
Филип Миркуловски денешниот меч во СЦ „Јане Сандански“ го заврши со два погодоци:
– За првпат освоивме 10 бодови во едни европски квалификакации, имаме ист број бодови како актуелниот светски шампион Данска. Триумфиравме со една убава и релаксирана игра, сигурно ќе бевме подобри доколку ни беа потребни бодови. Можеме уште да напредуваме, се наоѓаме во еден систем кој го разбираат играчи и знаат како треба да се реагира, вели Миркуловски.
Македонскиот селектор и капитен Лазаров уште една година во Нант