Чоколадото со векови се смета за афродизијак. Од древните Ацтеки, па сè до Казанова и францускиот суд, сите верувале дека чоколадото е еликсир на љубовта. Дрвото од кое настанува чоколадото, „Theobroma cacao“, во превод значи „храна за богови“.

Првото чоколадо е произведено во фирмата „Fry and Sons“ во Бристол, Англија во 1847 година. Првиот рецепт за чоколадо бил објавен во каталогот „Sears and Roebuck“, а се понатаму е историја.

Состојки:

– 2 јајца
– 2 дл гриз
– 1 дл млеко
– 2 дл шеќер
– 1 дл масло
– 100 г мелени ореви
– 1 кесичка прашок за пециво
– 4 дл рендани јаболка
– 1 кора од лимон
– 3-4 вреќи ванила
– 2 лажици рум

Глазура:

– 2 кесички прашок за шлаг
– 85 г црно чоколадо
– 3 лажици масло

Подготовка:

Изматете го јајцето со шеќер и ванила прав во подлабок сад, а потоа додадете ги останатите состојки и убаво измешајте. Смесата сипете ја во тава за печење и печете на 200 степени додека не зарумени. Кога тортата ќе се олади, премачкајте ја со шлаг и прелијте ја со чоколадна глазура, која можете да ја направите од црно чоколадо и масло. Чоколадото го топите во тавче на малку загреано масло.

Добар апетит!