Мираковска: Направивме многу повеќе од другите политичари за два живота (ВИДЕО)

Вечерва Соња Мираковска се обрати од Гевгелија, градот кој како што напомена најдобро знае што значи да се биде во единаесетгодишна изолација.

-Навистина ми претставува огромна чест вечерва да бидам овде го Гевгелија, градот на слободоумни луѓе, градот на слободни луѓе кои точно знаат што значи ако една земја како нашата 11 години затворена, и што значи сега после две и пол години владеење на оваа коалиција на чело со социјалдемократскиот Сојуз. Еден евро пратеник вели, „дали знаете што направивте за овие две и пол години? Вие направивте повеќе од многу други политичари за два живота”. Тоа за мене беше големо признание. Влеговме во НАТО. На пат сме да влеземе и во Европската Унија- рече Мираковска.

Осврнувајќи се на пандемијата, Мираковска истакна дека дури и во криза многу често луѓето знаат да најдат нешто добро.

-Во оваа криза ние се сплотивме заедно почнавме да размислуваме каква ќе биде нашата иднина. Оваа влада донесе огромен сет на мерки со што околу 120 илјади граѓани останаа на своите работни места. Минималната плата која беше поделена на над 30.000 фирми, 11.000 стопанственици е голема помош. Научивме многу како да го одржиме функционален здравствениот систем, и тоа го направивме. Многу други земји признаа дека ние добро се справуваме со пандемијата од КОВИД-19“, порача Мираковска.

Во однос на правдата, Мираковска рече дека ќе се испита потеклото на имотот и ќе се направи ветинг на судиите, и потенцираше дека оние судии кои ги застареа предметите, по автоматизам мора да заминат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот