Миновски: Доколу немаме финансиски средства, државата би била принудена да се позајмува и со повисока каматна стапка

Во однос издавањето на еврообврзницата, постојат повеќе модалитети како може да се покрие буџетскиот дефицит. Најевтин начин да се покрие е користење на средства од меѓународните финансиски организации. Тоа е пред се ММФ. Но, тие можат да се користат до определен износ без да биде државата условена. Тоа веќе е направено со повлекување на средствата кои и припаѓаат на Македонија врз основа на квотата што ја имаме. Но, над овој износ би значело и склучување на определен аранжман и посериозен мониторинг на јавните финасии. Ова најголем дел од владите не го сакаат, изјави за „Утрински брифинг“ на „Слободна ТВ“ финансискиот експерт и поранешен министер за финансии, Кирил Миновски, околу тоа дали еврообврзница може и дали е една од главните столбови за санирање на буџетскиот дефицит.

ОКОЛУ ФОРМИРАЊЕ НА ЕВЕНТУАЛЕН ВАЛУТЕН БОРД ЗА УПРАВУВАЊЕ СО ЈАВНИТЕ ФИНАСИИ И ДАЛИ ИМАМЕ СЕ УШТЕ РАСПОЛОЖЛИВИ СРЕДСТВА ДА СЕ СПРАВИМЕ СО БУЏЕТСКИОТ ДЕФИЦИТ МИНОВСКИ СМЕТА ДЕКА ВО МОМЕНТОВ СЕ УШТЕ Е РАНО ДА СЕ КАЖЕ БИДЕЈЌИ ТРЕБА ДА ПОМИНАТ МЕСЕЦИ ЗА ДА ГИ ЗНАЕМЕ РЕАЛНИТЕ БРОЈКИ И ПАРАМЕТРИ.

-Врз основа на она што до сега го следам за овој месец податоците велат дека имаме пад на приходната страна на буџетот за околу 4% (јануари, февруари, март). Каков ќе биде трендот во април никој не може да знае. Доколку продолжи овој тренд, по оваа аналогија, ние би имале недостаток на приходната страна некаде околу 220.000.000 евра, што е сериозна бројка. На расходната страна динамката на трошење средства е ненамалена и е неопходно да се направи некаков ребаланс на буџетот оти потребно е да се направи усогласување на приходната и рсходната страна за да се намали буџетскиот дефицит, кој доколку не се контролира може значително да се зголеми и да влија на зголемување на јавниот долг.

–Дали постои простор за издавање еврообврзница? Да, но многу е битно со какава каматна стапка ќе се земе истата. Очигледно е дека колку повеќе се пролонгира издавањето ќе постои тренд, поради зголемена побарувачка на парични средства која што постои во светот, да се зголеми и камтната стапка. Тоа значи дека каматната стапка која што би ја добиле на таа еврообврзница би била повисока, што сигурно никој не може да предвиди, вели Миновски.

Доколку немаме финансиски средства, државата ќе мора да се позајмува и со повисока каматна стапка.

-Последната еврообрзница беше со пониска каматна стапка, во услови кога таков беше трендот на меѓународните пазари. Сметам дека има доволно финансиски средства во светот за да ја купат македонската еврообврзница за и износот да е 1 милијарда и 650 милиони не претставува некој сериозен износ за инвестициските фондфдови. Каматната стапка веројатно ќе биде повисока. Треба да се направи проекција од проста причина што секој што би инвестирав во македонската еврообврзница ќе сака да се реосигура што на накој начин ќе влијае на катната стапка.

Во моментов тешко е да се каже која би била идеалната висина, но доколу немаме финансиски средства државата би била принудена да се позајмува и со повисока каматна стапка, изјави финансискиот експерт и поранешен министер за финансии, Кирил Миновски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот