Министрите на ЕУ изразија „солидарност“ со Париз во кризата со Вашингтон
Земјите од ЕУ ѝ дадоа „поддршка“ на Франција во кризата со подморниците со Вашингтон, изјави високиот претставник на ЕУ за надворешна политика и безбедност Жозеп Борел.
Министрите за надворешни работи на 27-те земји, кои се состанаа на маргините на годишната сесија на Генералното собрание на ОН, „јасно ја изразија својата солидарност со Франција”, истакна тој.
Минатата недела беше објавено дека е формиран троен безбедносен сојуз меѓу САД, Австралија и Велика Британија со цел да се спротивстават на Кина.
Со овој пакт, Франција го загуби профитабилниот бизнис за продажба на подморници на Австралија, која се сврте кон Американците и Британија, што го налути Париз, кој тврди дека сојузот е направен зад неговиот грб.
Оваа ситуација повторно укажува на потребата од „зајакнување на капацитетот на европската одбрана”, рече претседателот на Европскиот совет, Шарл Мишел.
Извор: МИА