Министерството за здравство и Сојузот на дијабетичари денеска потпишаа Меморандум за соработка
Министерството за здравство и Сојузот на дијабетичари денеска потпишаа Меморандум за соработка.
„Ние како земја влегуваме во земји со висока стапка на дијабетес. Очекуваме на антидиијабетичната терапија, и системи на континуирано следење на гликемијата и нивна достапност за поголем број на пациенти. Неопхондо е да бидеме повеќе едуцирани за дијабетесот. Табеларната терапија глукомери да се набави, но не само за деца туку и за возрасни. Така би биле најсреќни“, рече претседателот на Сојузот на дијабетичари Димче Велев.
Боцкањето по неколку пати во еден ден за да се утврди шеќерот во крвта ќе стане минато со набавката на сензорите за мерење на гликемија. Ова особено ќе го олесни следењето на нивото на шеќер во крвта кај децата, рече денеска министерот за здравство Венко Филипче на одбележувањето на светскиот ден на дијабетесот.
Директорката на Клиниката за Ендокринологија, д-р Саша Јовановска Мишевска потсети дека оваа година славиме сто години од откривање на инсулинот.
„Сега имаме инсулини кои продолжуваат и спасуваат животи. Дијабтесот сега се перцепира како состојба отколку како болест. Како ендокринолози повеќе не размислуваме само за гликемиските вредности туку и на кардио ефектот. Се развиваат паметни инсулински пенкала, терапевтски и технолошки иновации за следење на дијабет. Во иднина може да се очекува примање на инсулин еднаш неделно. Горда сум што сме во чекор со современиот свет, ординираме современа терапија, пациентите се со добри гликемии, подобрен квалитет на живот“, рече Мишевска.
Во Македонија со дијабетес живеат 220 илјади лица.