-6.1 C
Скопје

Министерството за политички систем е уникатно: Работат 44, а плата земаат 1.410 лица

Македонија е најверојатно единствената земја во светот каде што постои министерство во кое се ангажирани само три отсто од вкупниот број вработени. Во Министерството за политички систем и односи меѓу заедниците на платниот список има околу 1.400 вработени лица, а во рамките на министерството реално работат само 44 лица – открива

Платформата за истражувачко новинарство и анализи во соработка со Институтот за комуникациски студии и онлајн платформата Само прашај.

Како што велат оттаму, тенденцијата е во иднина бројката на „реално“ ангажирани да достигне околу 150 лица. Дел од овие 44 лица што секојдневно ги извршуваат работните обврски, сега се стационирани во централниот дел на Владата, каде што се наоѓа и кабинетот на министерот Артан Груби. Во друг дел, во т.н. седма купола, се наоѓаат работните простории на друга група вработени. Најпосле, уште еден дел од нив се наоѓаат во зградата на Министерството за земјоделство, каде што беа преместени во периодот кога се реконструираше владината зграда и останаа таму до ден-денес.

Прочитајте и...  Портпаролот на Џонсон: Навални веднаш да биде ослободен

На врвот на пирамидата на министерството е министерот Груби, под чија директна надлежност, покрај тројцата посебни и тројцата кабинетски советници, кои сѐ уште не се именувани, се и две управи – Управата за афирмирање и унапредување на културата и Управата за развој и унапредување на образованието на јазиците на припадниците на заедниците, коишто досега функционираа како независни и самостојни органи. Дополнително, тука се и заменик-министерот Илхан Рахман, како и државниот секретар Рами Ќерими, кој не е јавен функционер, туку највисоко рангиран административен службеник. Под надлежност на државниот секретар, пак, се 20 државни советници, од кои 14 се за општи работи, тројца за стручна и оперативна поддршка и по еден за правична застапеност, децентрализација и годишни планови.

Прочитајте и...  Николовски: Започнува постапката за ажурирање и активна регистрација на членството, кое ќе бира претседател на СДСМ

Официјалните податоци од Министерството за финансии покажуваат дека Министерството за политички систем за 2020 година има буџет од 542.785.000 денари, од кои трошоците за вработените за плати изнесуваат 523.665.000 денари. Практично, Министерството речиси сите пари ги троши на вработените, чија бројка, според регистарот на Министерството за информатичко општество и администрација, заклучно со минатата 2019 година изнесува 1.460 лица. Во меѓувреме, од Министерството за политички систем велат дека оваа бројка паднала на 1.410.

Според правните експерти и експертите за јавна администрација, ова министерство, вака поставено и со толкав број вработени што не работат, а земаат плата, е неспоиво со владините заложбите за рационална и ефикасна администрација.

Поврзани вести

Лавина во Русија: Властите стравуваат дека се затрупани 12 лица

Слободен печат

Почина хрватскиот амбасадор во Франција

Слободен печат

„Децата останаа сираци, без мајка, баба и дедо“: Погребани жртвите и убиецот од трагичниот настан во селото Расно

Слободен печат

Истражување: Јужноафриканската варијанта на коронавирус полесно се пренесува

Слободен печат

Портпаролот на Џонсон: Навални веднаш да биде ослободен

Слободен печат

Царовска: Нудиме реформа која се фокусира на знаењата на децата, интеграцијата не значи намалување на часовите

Слободен печат

Остави Коментар