Министерството за одрбана на Русија ќе отвори претставништво во Србија за јакнење на воените врски
Српското Министерство за одбрана денеска соопшти дека е почната постапка за отворање на претставништво на Министерството за одбрана на Русија во Србија.
Руското Министерство за одбрана вчера соопшти дека Претставништвото во Србија се формира со цел да се помогне на српската страна во решавање на прашања од областа на воената и воено-техничката соработка, давање насоки за активности на руски воени специјалци во Србија за давање помош во изградбата на оружените сили на земјата, обука за употреба и поправка на вооружувањето и воената техника испорачана од Русија.
Српското Министерство за одбрана денеска прецизира дека во претходниот период е поведена законски постапка, која претходи на склучување на Договорот меѓу двете влади за формирање претставништво на Министерството за одбрана на Русија во Србија.