Министерството за одбрана на Србија ги повикува младите да служат воен рок
Министерството за одбрана и војската на Србија во август ќе организираат претставување на доброволното служење на воениот рок во пет градови и општини во Србија, соопшти Министерството, а пренесува Н1инфо.рс.
Младите кои веќе донеле одлука за служење на воен рок ќе можат да ги пополнат пријавите и да ја започнат процедурата.
Како што наведува министерството за одбрана на Србија, најголемиот дел од заинтересираните млади имаат намера да продолжат со служење на професионална воена служба.
„Подобрувањето на условите за работа и животниот стандард на припадниците на војската, значајното инвестирање во опремата и современото вооружување придонесоа одбранбениот систем да стане посакувана средина за младите“ се вели во соопштението.
Ваквиот оглас за пријавување во Србија ќе биде постојано отворен.