Министерство за економија: Не даваме никакви дозволи и лиценци за тутун

Министерството за економија не дава никакви дозволи и лиценци за тутун. Министерство за економија само ги впишува во регистарот компаниите кои се занимаваат со тутунски производи, појаснуваат денеска од Министерството по изјавата на директорот на Финансиската полиција дека според доказите што ги имаат во случајот Љуботен се вмешани и неколку државни институции кои дале потврди или дозволи за увоз на тутунот, притоа посочувајќи на Министерството за економија и Царината.

Од Министерството за економија посочуваат дека во случајот Љуботен не се работи за тутунски производи, туку за тутун и оти Министерството, согласно новиот Закон за тутун и тутунски производи, има надлежност само да ги впише компаниите во регистарот согласно решението кое го добиваат од Пазарната инспекција.

– Компанијата доставува барање до Министерство за економија за да биде впишана во регистарот. Ние согласно нивното барање, праќаме барање до Државниот пазарен инспекторат да излезе на лице место и да утврди дали се исполнети условите за да се впише во регистарот. Согласно решението од Пазарниот инспекторат, компанијата се впишува во регистарот кој е јавен и транспарентен. Потоа постапката ја водат Царина и Земјоделскиот инспекторат, појаснуваат од Министерството за економија.

Оттаму нагласуваат дека случајот Љуботен треба да се расветли и оти ја повикале Финансиската полиција да дојде и да ја земе целокупната документација за упис во регистарот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот