Американски борбен авион денеска собори кинески шпионски балон над брегот на Јужна Каролина, во мисија што ја одобри американскиот претседател Џо Бајден, соопшти министерот за одбрана на САД Лојд Остин.

– Балонот, кој Кина го користеше во обид да извиди стратешки локации во континенталниот дел на САД е соборен над територијалните води на САД – соопшти Остин.

Претседателот Бајден објави дека му препорачал на Пентагон балонот да биде соборен над вода. Во соопштението на Пентагон се наведува дека операцијата е извршена „без ризик по животот на Американците кои се под патеката на балонот“.

Американските власти претходнио го затворија воздушниот простор за цивилен воздушен сообраќај над Атланскиот Океан во областа на Јужна Каролина.

Во тек е акција за собирање на деловите од балонот.