Министерот Филипче оперираше вечерва: На колегите им посакувам мирна ноќ!
Новогодишната ноќ многу здравствени работници ќе ја поминат со пациентите сместени на болничко лекување претежно во ковид центрите во земјата, а меѓу нив е и министерот за здравство, Венко Филипче кој вечерва ја поминува во операцината сала, оперирајќи пациент со тумор на мозокот.
-Ова е дежурниот тим за новогодишната ноќ на Клиниката за неврохирургија. Секогаш е задоволство да работиш со млади колеги. Вечерва тие ми асистираа во операција на тумор на мозок. Операцијата успешно ја завршивме, на пациентот му посакувам добро здравје и што побрзо опоравување. На моите колеги мирна ноќ. Среќна нова година!, порача министерот Филипче.
Ова е дежурниот тим за новогодишната ноќ на Клиниката за неврохирургија. ? Секогаш е задоволство да работиш со млади…
Posted by Венко Филипче on Thursday, December 31, 2020
Министерот Филипче утрово упати честитка до граѓаните и видео порака:
-Ако нешто нé научи оваа 2020 година, тоа е дека здравјето, семејството и најблиските се највисоките животни приоритети. Затоа, оваа година да прославиме поинаку. Да останеме дома и да ги оставиме големите прослави за некои други, посигурни времиња. Така, секој од нас ќе даде свој придонес во борбата, секоја следна година да ни биде поубава од оваа, соопшти министерот Филипче.