Министерката за образование на Албанија се правда: Ненамерно е ставено Косово под Србија
Министерката за образование на Албанија, Беса Шаини реагираше после објавената вест дека во книгата по предметот „Граѓанство“, на карта, Косово е се уште дел од Србија.
Таа вели дека станува збор за ненамерна грешка.
„Косово е Република и како таква е признаена од Албанија, Северна Македонија, Црна Гора, 23 земји членки на ЕУ, САД, и многу други земји. Но, од авторот на книгата, уредникот на издавачката куќа и комисијата која дозволи да се печати книгата, не можеле да видат дека Косово ја нема на картата“, пишува министерката Шаини.
Таа вели дека оваа не е единствената грешка, но доброто е што во моментот се води процес на ревидирање на сите училишни книги.