МИНИ МАРАДОНА: Фудбалски гениј, најсилното дете на светот! (ФОТО+ВИДЕО)
Петгодишниот Иранец Арат Хосеини, чии снимки на кои вешто ги дрибла противниците на фудбалскиот терен предизвикуваат одушевување на социјалните мрежи, моментно тренира со младиот состав на суперлигашкиот клуб Галатасарај, во Истанбул.
Неговиот неверојатен талент и мускулесто тело, единствено меѓу петгодишните деца, му донесоа слава на социјалните мрежи, каде што поради долгата коса често мислат луѓето дека е е девојче.
Малиот Арат, кој го стекна прекарот „Мини Марадона“, ја користи секоја можност да игра, а го тренира неговиот татко.
– Му реков на татко ми да ми најде фудбалски терен, дојдовме во Турција, бидејќи сакав да играм фудбал. Видов дека Турција не се разликува од Иран што се однесува до играњето – рече малиот фудбалски гениј за агенцијата Демирорен (ДХА).
На прашањето кои му се идоли, вели дека ги сака Роналдо, Меси и Сала, но и дека „никој од нив не му е идол“.
When I first saw this in my #whatsappwonderbox I thought it was a little girl & was amazed. Then trawled the net & it seems it’s really a 4 yr old Iranian boy! I’m still impressed by the way! Enjoy… pic.twitter.com/pqfPMhMRoR
— anand mahindra (@anandmahindra) May 18, 2019
Го пофалуваат дека и поради тоа што им помага на фудбалерите врсници.
– Не сакам да им наредувам. Имав другар во Иран и ништо не можеше да направи. Не сакав да му наредувам, само му реков да вежба дома.
Неговиот татко Мухамед Хосеини вели дека од мали нозе го учи своето дете да игра фудбал.
– Секогаш тренира и внимавам на неговата исхрана. Поминаа девет месеци откако почна да игра фудбал. Претходно вежбаше гимнастика и акробатика. Не знам за што ќе се одлучи на крајот. Сè зависи од него – вели таткото.
