Богдановиќ својата НБА кариера ќе ја продолжи во Милвоки бакс, откако е договорено „потпис и трејд“ помеѓу двете екипи. Милвоки во замена за бекот на српската репрезентација во Сакраменто ќе ги испрати Донте Дивиченци, Ерсан Олјасова и Ди Џеј Вилсон. Заедно со Богдановиќ во Милвоки ќе замине и Џастин Џејмс.

Ова е втора размена која ја прави Милвоки во последните 24 часа, откако претходно од Њу Орлеанс пеликанс го донесоа векот Џру Холидеј. Во замена за одличниот бек, Бакси се откажаа од Ерик Бледсон, Џорџ Хил и дури три избори од НБА драфтовите.

Bucks GM Jon Horst has reshaped his roster late Monday night, acquiring Jrue Holiday and Bogdan Bogdanovic. Giannis wanted to see some significant upgrades and it appears the franchise has delivered for him. Huge night for that franchise. Kings get Divincenzo, a real asset.

— Adrian Wojnarowski (@wojespn) November 17, 2020

Холидеј во минатата сезона во дресот на Њу Орлеанс имаше просек од 19.1 поен и 6.7 асистенции по натпревар, а во наредната сезона ќе инкасира 25.4 милиони долари.

Со ангажирањето на Холидеј и одличниот шутер за три поени, Богдан Богдановиќ, управата на Милвоки бакс го одржа ветениот збор даден на својот најдобар играч, Јанис Адетокумпо дека пред стартот на новата сезона ќе донесе играчи со кои тимот ќе стане главен фаворит за титулата.
Минатата сезона Милвоки имаше најдобар скор во регуларниот дел од сезоната, но беа елиминирани од Мајами хит во полуфиналето на Источната конференција.