Милошоски: ВМРО-ДПМНЕ предложи формирање на специјална комисија за борба против пандемијата, но не беше прифатено

Пратеникот и член на ИК на ВМРО-ДПМНЕ, Антонио Милошоски денеска на прес-конференција информира дека во текот на вчерашниот ден во утринските часови имало средба помеѓу министерот за здравство и професорот Вело Марковски, на која била предложена идејата на ВМРО-ДПМНЕ за формирање на специјална државна комисија за борба против пандемијата, но таа не била прифатена.

– Во однос на комисијата за справување со пандемија и епидемија предложивме таа комисија да брои 11 члена. По функција тука би биле министерот за здравство и директорот за Центарот за управување со кризи, а внатре би членувале специјалисти инфектолози 3 членови, епидемиолози 2 членови, микробиолози 2 членови, имунолог еден член и специјалист интернист еден член. На наше разочарување оваа идеја и предлог не беа прифатени од министерот за здравство, рече Милошоски.

Прочитајте и...  Врвулица на американските аеродроми и покрај препораката да не се патува: Преку три милиони патници за Денот на благодарноста

Како што рече тој, ВМРО-ДПМНЕ смета дека Комисија за заразни болести носи дел од одговорноста за многу ненавремени или за многу несоодветно преземање на мерки изминативе пет месеци.

– Затоа сметаме дека Македонија мора да реагира посериозно, мора некој за сегашната ситуација да понесе одговорност и мора постручни лица да ги заземат местата на оние членови на Комисијата кои одеа на концертот на Владо Георгиев во дискотеката „Мош”, изјави Милошоски.

Во однос на Предлогот на закон за заштита на населението од заразни болести, тој потенцира дека пратениците првпат имале можност да го добијат во текот на вчерашниот ден, додавајќи дека најмалку еден ден е потребен за да се прочита тој предлог закон.

– Од она што можеме да го видиме од дадениот предлог закон гледаме дека овој закон нема конкретни мерки за борба против пандемијата, во овој закон нема мерка за зајакнување на капацитетите на институциите кои што вршат КОВИД тестови, нема мерка за поевтино тестирање на ризичните групи на население како пензионери или хронично болни, ниту има мерка за пошироко тестирање по однос на бројка во позагрозените општини како што се Скопје, Прилеп, Струмица, Тетово и други градови, рече Милошоски.

Прочитајте и...  ВИДЕО | Заложничка драма во Санкт Петербург: Татко со секира ги држи шесте деца во стан, се заканува дека ќе ги убие

Затоа, нагласи меѓу другото, сметаме дека овој закон е повеќе техничка измена и дополнување наместо да биде закон во кој што би имало суштински мерки за борба и справување против пандемијата.

На новинарско прашање кои се условите за да дадат поддршка во Собранието, Милошоски потенцира дека не услов, туку суштински прелог за овие измени е идејата да се формира специјална комисија за борба против пандемијата.

– Но, иако не е прифатен овој предлог, ние како опозиција ја повикуваме власта уште денес да закаже собраниска седница и ќе овозможиме овој закон да помине со гласовите на собраниското мнозинство и со присуството на пратениците од опозицијата. Иако сметаме дека во законот има технички дополнувања кои даваат надлежности на инспекторати, но недостигаат суштински мерки кои што се однесуваат на борбата против пандемијата, рече тој.

Прочитајте и...  Џафери: Идејата е пратениците со ковид-19 или оние кои се во изолација да се вклучат онлајн

Прашан кои здравствени мерки ги предлага ВМРО-ДПМНЕ, Милошоски рече дека и како човек и како пред некое време пациент од оваа заразна болест, но и како пратеник се чувствува со многу поголема доверба и сигурност кога ги слуша изјавите на проф. др Никола Пановски. 

Поврзани вести

Д-р Николов: Не убедуваа дека ситуацијата е под контрола, сега гледаме по бројката на починати и заразени колку е под контрола

Слободен печат

Две и пол децении од Дејтон: САД, Франција, В. Британија и Германија со oсуда за Додик и поддршка на Инцко

Слободен печат

Продолжува судењето за „Меѓународен сојуз”

Слободен печат

ВИДЕО | Ангелов: Не смееме да ја затвориме целата држава, ако можеме да менаџираме на овој начин

Слободен печат

Трамп, сепак, попушта: Бајден ќе почне да добива доверливи информации

Слободен печат

Делови од Студеничани, Чучер-Сандево и Чаир без струја

Слободен печат

Остави Коментар