Милошоски: Ковачевски и Османи манипулираат со предлогот, Владата да поднесе оставка

Антонијо Милошоски / Фото: Screenshot/YouTube

Пратеникот од ВМРО-ДПМНЕ Антонијо Милошоски тврди дека премиерот Димитар Ковачевски и министерот за надворешни работи Бујар Османи манипулираат дека предлогот  е суштински видоизменет и побара Владата да поднесе оставка.

-Димитар Ковачевски и Бујар Османи не запираат со манипулациите кон македонската јавност, особено за процесот за евроинтеграции, спорот со Бугарија и понижувачките предлози кои ги прифаќаат, тврдат дека имаат некакви забелешки и лажат дека истите се видоизменети. По легендарната лага од 2018 година во која Османи велеше дека сме добиле датум за преговори, вчера се случи уште една голема лага со која премиерот Димитар Ковачевски се обидува да го покрие дебаклот на македонската дипломатија. Ковачевски се обиде да ги изманипулира новинарите, јавноста и политичките партии дека неговот „не“ во Брисел предизвикало суштинско видоизменување на францускиот предлог за преговарачкта рамка за многу брзо да биде демантиран од министерката за надворешни работи на соседна Бугарија, а денеска и од француската амбасадорка во Софија. Затоа бараме од Ковачевски да престане со манипуалции да го објави предлогот и јавноста да види дека овој предлог суштински е истиот со оној за кој македонската јавност изгради широк консензус дека е неповолен за државата, понижувачки е, не го решава спорот со Бугарија и не не внесува во ЕУ. За ваквиот предлог не е доволно Ковачевски да се консултира само со коалициските партнери и со одбрани провладини и невладини здруженија, за вако неповолен предлог Владата треба да даде оставка да распише предвремени избори и народот да одлучи на кој начин смета дека треба да продолжи да се движи Македонија во правилна насока – рече Милошоски.

Тој додаде дека ВМРО-ДПМНЕ ги разгледува сите можни демократски опции за канализирање на револтот на граѓаните во Собранието и надвор од него. Тој е дециден дека предлогот не смее да помине бидејќи Македонија со ова губи, се понижува, а на надвотешен план нема да ја поистигне целта ниту за членство во ЕУ, ниту за подобри пријателски и рамноправни односи со Бугарија.

Содржината на предлогот, Милошоски вели дека ја добиле по неофицијални канали.

-Гледаме дека предлогот во суштина со две три козметички, споредни, вербални измени не се разликува од францускиот предлог кој веќе бугарското Собрание го ратификуваше. Затоа цениме дека изјавите на бугарската министерка за надворешни работи и на француската амбасадорка во Софија се веродостојни кога тврдат дека се работи за истиот предлог. Бараме и двата предлози да бидат објавени, бидејќи Владата работи на нетранспарентен начин – рече Милошоски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот