Познатиот француски актер Жерард Депардје го доби “Клучот“ на албанскиот град Ѓирокастра. Ова признание беше доделено од градоначаникот на општина Ѓирокастра, Фламур Големи.

Депардје претстојува во вој град во рамките на снимањето на филмот “Милошевиќ и јас“, во режија на приштинскиот режисер, Арбен Кастрати, пренесува албанската новинска агенција АТА.

Според градоначалникот на општината престојот на Депардје во овој град има големо значење за Ѓирокастра. Инаку филмот „Милошевиќ и јас“ е комедија, а со присуството на Депардје во Албанија се пофали и заменик-министерката за Внатрешни работи на ова држава, Ромина Куко. Филмот освен во Ѓирокастра ќе биде снимен и во Тирана. Во општинската книга на Ѓирокастра, францскиот акетр со светска слава Депардје ја остави и оваа порака –

„Благодарност до Ѓирокастра и до градоначалникот Фламури, како и до жените од Ѓирокастра!“ Се гледаме повторно“.