Милков се враќа во тимот, Ѓорѓиев и Маџунков ги санираат повредите

Фото: vfmkd.mk

Ѓорѓи Ѓорѓиев и Филип Маџунков се на рехабилитација и не тренираат, а в среда на репрезентацијата ќе и се приклучи Александар Милков.

Со него, селекторот Никола Матијашевиќ ќе го има на располагање целиот потенцијал на примачка дијагонала. Конкуренцијата ќе биде засилена, иако се уште е незивесно дали коленото на Милков ќе може максимално да ги издржи напорите, а со тоа и дали ќе биде во конкуренција за настап на Европското првенство во септември.

Честа да го носат црвено-жолтиот дрес на континенталниот собир ќе го имаат 14 одбојкари. По тренинг фазата во Маврово, нашиот национален состав ќе влезе во серија пријателски натпревари коишто ќе бидат последен филтер за играчите на поширокиот список.

Во групата „Ц“ на дебитантскиот еврошампионат за нас, македонската селекција ќе игра против Финска, со освојувачот на „Златната Европска лига“ Турција, потоа со бранителот на континеталната титула Русија, со вицепрвакот од „Златната Европска лига“ Белорусија и со кодомаќинот на собирот Словенија.

Првиот дуел со Финците е закажан за 12 септември, а последниот со Словенците пет дена подоцна.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот