Милијардерот педофил Епстајн имал „југословенска робинка“, ја купил од нејзините родители
Џефри Епстајн, познатиот милијардер кој во август изврши самоубиство во затворската ќелија, во затворот Палм Спрингс го посетувала тогаш малолетната Надија Марчинкова, чие име во затворскиот регистар било заведено како Надија Маркокона.
Надија е една од жртвите на сексуалниот предатор Епстајн, кој ја силувал и заведувал кога таа имала само 16, односно 17 години.
Светските медиуми пишуваат дека Надија пристигнала во Америка кога имала 15 години, а приказната за нејзината судбина ја раскажала друга жртва на милијардерот, која тврди дека Епстајн ги малтертирал и силувал и двете, а многу често морале и меѓусебно да имаат сексуални односи, додека тој ги гледал.
Иако е родена во тогашна Чехословачка, Епстајн ја нарекувал Надија „Југословенска робинка“.
„Епстајн ја купи од нејзиното семејство во Југославија. Се фалеше дека ја довел во САД за да биде негова сексуална робинка“, напишал детективот Џозеф Рејсери во својот извештај по разговор со жртвата.