Милијардерите на едно место – Маск, Безос и Цукерберг ќе присуствуваат на инаугурацијата на Трамп

Милијардерите Илон Маск, Џеф Безос и Марк Цукерберг во понеделник ќе присуствуваат на инаугурацијата на новоизбраниот американски претседател Доналд Трамп, изјавија денеска извори за „Ен-би-си“.

Според изворот, тие ќе седнат на видно место за време на церемонијата, заедно со кандидатите од новоизбраната републиканска администрација и други избрани функционери.

„Амазон“ на Безос и „Мета“ на Цукерберг се меѓу компаниите кои донираа по еден милион долари за инаугурацијата на Трамп.

Илон Маск, извршниот директор на „Тесла“, „Икс“ и „СпејсИкс“, потроши повеќе од четвртина милијарда долари за да му помогне на Трамп да победи на ноемвриските избори, потсетува Ројтерс.

Инаугурацијата на Доналд Трамп ќе се одржи во понеделник на 20 јануари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот